ഇനിയീ കുടുക്ക ആണേക രക്ഷ..
നിറഞ്ഞ കയ്യില് നിന്നിറ്റു വീണ
സുകൃതമായിത്തിരി തുള്ളികള്
നിറവിന്റെ ആലസ്യത്തിനിടയില്
വെറുതെ വലിച്ചെറിഞ്ഞ തുട്ടുകള് ..
നിന്റെ കരുതലാര്ന്ന കരങ്ങളാല്
എന് കീശയില് നിന്നും മാറ്റിയെടുത്ത
മുഴങ്ങുന്ന ചില്ലറകള്..
ഇനിയീ കുടുക്കയാണ് ഏക രക്ഷ..
അതിവൃഷ്ടിയുടെ അസുലഭ കാലത്ത് നീ
നിറച്ചു വച്ച തുള്ളികളുടെ കുടം
വറുതിയുടെ ഊഷരതയില് ജീവന്
അമൃത കുംബമായി തീരുന്നു..!
സഖീ, വിരഹാര്ദ്രനായി ഞാനീ
മരുഭൂവില് തളര്ന്നിരിക്കുമ്പോള്
സ്നേഹത്തിന്റെ മഞ്ഞു കണങ്ങളാല് നീ
നിറച്ചു വച്ചോരീ കുടുക്കയാണ് ഇന്നേക രക്ഷ..
കവചമായ് നിന് പ്രണയം ഉള്ളപ്പോള്
കുടുക്കകള് പലയിടത്തും മുളക്കുമെന്നതും സത്യം!
Wednesday, October 5, 2011
Subscribe to:
Post Comments (Atom)
No comments:
Post a Comment