ഭയപ്പെടാതിരിക്കൂ... ദൈവം നിന്നെ സ്നേഹിക്കുന്നു. അവന് എല്ലാം നോക്കിക്കൊള്ളും!
ഇനി എന്താണ് വരാനിരിക്കുന്നത് എന്ന പേടിയിലാണ് പലരും കഴിയുന്നത്.
ഭാവിയെക്കുറിച്ചുള്ള അറിവില്ലായ്മയാണ് ജീവിതത്തില് ഉത്സാഹം നിറയ്ക്കുന്നത്.
അത് നമുക്ക് ആത്മാവിനെ തേച്ചു മിനുക്കാനുള്ള അവസരം തരുന്നു.
അപ്പ്രതീക്ഷിതമായ സംഭവങ്ങള് നമ്മില് ആശയും പ്രതീക്ഷയും ഉണര്ത്തുന്നു..
അറിയാത്ത ഭാവി തന്നനുഗ്രഹിച്ച ദൈവമേ... നിനക്ക് നന്ദി!
നമുക്ക് നടക്കാനിരിക്കുന്ന നല്ല കാര്യങ്ങളൊക്കെ മുന്കൂട്ടി കാണാന് കഴിഞ്ഞിരുന്നെങ്കില്
നമ്മള് മടിയന്മാരായി കുത്തിയിരുന്ന് നശിച്ചു പോയേനെ!
വരാനിരിക്കൂന്ന ആപത്തുകള് കാണാന് കഴിഞ്ഞിരുന്നെങ്കില്
നമ്മള് പേടിച്ചു തളര്ന്നു പോയേനെ..!
ഇന്നത്തെ ദിവസത്തിന്റെ മറ നീക്കിത്തരുന്ന ദൈവം എത്ര കരുണാമയന്!
അങ്ങനെ ഇന്നത്തെ ദിവസത്തില് നമ്മള് നാളെയെ നേരിടാന് കരുത്തു നേടുമ്പോള് ദൈവം
നമുക്കായി നാളെയുടെ മറ നീക്കിത്തരുന്നു!
തീര്ച്ചയായും ദൈവമേ നീ ദയാവാനാകുന്നു!